"მეთქი" და "თქო" ნაწილაკის მაგალითები

მ ე თ ქ ი

მეთქი  ნაწილაკი იხმარება მაშინ, როდესაც პირველი პირის (მოსაუბრის) ნათქვამი უნდა გავიმეოროთ.

ü მე თქვენ გითხარით, ვინც არ ისწავლის ორიანს მიიღებს-მეთქი!

ü ყოველდღე გეუბნები, პირიდან კანფეტი გამოიღე-მეთქი!

ü ხომ გთხოვე, დილით სმს-ებით ნუ მაღვიძებ-მეთქი!

ü აგიხსენი, რომ სკოლაში ნუ ყვირიხარ-მეთქი!

ü მე ვკითხე, ასე რატომ ჩქარობ სახლში წასვლას-მეთქი!

ü საფულე გავხსენი და გულში გავიმეორე, რამდენი ფულია-მეთქი!

ü მე შენ შეგპირდი, თუ ისწავლი ზოოპარკში წაგიყვან-მეთქი!

ü შევეპასუხე, ასეთი რაღაც როდის მითხარი-მეთქი!

ü მოსწავლეებს განვუმარტე, თუ ყურადღებით მომისმენენ ხელად გაიგებთ-მეთქი.

ü მე დაგპირდით, თუ საშინაო დავალებას დაწერთ დღიურში ვარსკვლავებს ჩაგიკრავთ-მეთქი.

ü სიზმარი დედას მოვუყევი, თითქოს წყალზე დავდიოდი-მეთქი!

ü მე გუშინ ვთქვი , აღარ გავიმეორებ ამას-მეთქი!

ü დედას ვეკითხები, პატარაობისას როგორ ვლუღლუღებდი-მეთქი?

ü კონვერტზე დავწერე, წარმატებებს და ულევ სიხარულს გისურვებთ-მეთქი!

ü ხომ გირჩიე?-  შეყვარებულს საჰაერო კონცა და ბევრი სიყვარული გაატანე-მეთქი!

თ ქ ო

თქო  ნაწილაკი იხმარება მაშინ , როდესაც პირველი პირი (მოსაუბრე)  მეორე პირს (თანამოსაუბრეს) თავის ნათქვამს აბარებს მესამე პირთან. 

ü უთხარი ბებოს, დავითმა თაფლი უკვე იყიდა-თქო.

ü გადაეცი ზურას, ყველაფერი კარგად იქნება-თქო.

ü დაამშვიდე დედა და უთხარი სოფლიდან მალე ჩამოვა-თქო.

ü მიულოცე აითაჯს, დიდი გოგო გაიზარდე-თქო!

ü გაახარე დედა და უთხარი, დავითმა ტესტში 100 ქულა აიღო-თქო!

ü უთხარით სკოლის ადმინისტრაციას ყველაზე ნიჭიერი მე-10 კლასი არის-თქო!

ü გადაეცით თქვენს დამრიგებელს, პირადი საქმეები გაამზადოს-თქო!ü აქ წვიმებია, ბიძას უთხარი მარნეულში აღარ ჩამოხვიდეთ-თქო!

ü გააფრთხილე მამაშენი, გაზის კაცი მოვა და კარი არ გააღო-თქო!

ü მოლარეს უთხარი დოკუმენტებზე ხელი მოაწერე-თქო!

ü უსაყვედურე მადონას, ბიძაშვილს რატომ არ ურეკავ-თქო?

ü გატყიპე გემრიელად, საკონტროლო წერა კლასელისგან როგორ გადაიწერე-თქო?

ü დაპატიჟე ჩემ მაგივრად, უთხარი დრო არ აქვს-თქო!

ü გამქურდეს, ხომ იცი და აუხსენი ამ თვეში  ვერ დაგეხმარება-თქო.

ü მიეალერსე დედას და უთხარი ერთად ყველაფერს შევძლებთ-თქო!